Міністэрства замежных справаў Літвы таксама падкрэсьлівае, што пазыцыя краіны не зьмянілася.
«Санкцыі Эўрапейскага саюза застаюцца ў сіле ў дачыненьні да беларускага экспарту калійных угнаеньняў. Літва не атрымлівала ніякіх запытаў па гэтым пытаньні, і няма ніякіх сыгналаў аб тым, што ён абмяркоўваецца на ўзроўні Эўрапейскага зьвязу», — паведаміў агенцтву BNS яе прадстаўнік кіраўніцы ўраду Літвы Ігнас Дабравольскас.
МЗС зазначае, што ЗША прымаюць незалежныя рашэньні адносна санкцый супраць беларускага рэжыму, якія не зьвязаны з санкцыямі ЭЗ.
«ЭЗ не разглядае ніякіх паслабленьняў у санкцыях супраць беларускага рэжыму», — гаворыцца ў камэнтары МЗС для СМІ.
Акрамя таго, МЗС адзначае, што ні адна з прычын, па якіх ЭЗ пачаў уводзіць санкцыі супраць Беларусі, ня зьнікла.
«Унутраныя рэпрэсіі, шкода дэмакратыі, інструмэнталізацыя міграцыі, дапамога Расеі ў яе агрэсіі супраць Украіны, а зараз яшчэ і гібрыдная атака. Вызваленьне палітычных зьняволеных — важнае дыпляматычнае дасягненьне, але пазыцыя Літвы застаецца нязьменнай: дзеяньні Беларусі наносяць значную шкоду бясьпецы Літвы, ЭЗ і NATO», — заявіў МЗС.
Тым часам міністар замежных спраў Літвы Кястуціс Будрыс 15 сьнежня прымае ўдзел у пасяджэньні Рады Эўрапейскага зьвязу па замежных справах у Бруселі, дзе міністры абмяркуюць падтрымку Ўкраіны, а таксама санкцыі супраць Расеі і Беларусі. Таксама будзе абмяркоўвацца падрыхтоўка 20-га пакета санкцый, барацьба з «ценявым флётам» Расеі і намаганьні па вяртаньні ўкраінскіх дзяцей з расейскага палону, паведамілі ў МЗС Літвы.
Кястуціс Будрыс заявіў 15 сьнежня ў Брусэлі, што чакаецца дамоўленасьць, што Эўрапейскі зьвяз пагодзіцца пашырыць свае санкцыі супраць рэжыму ў Беларусі за гібрыдную дзейнасьць супраць Эўразьвязу, піша Reuters.
На мінулым тыдні Літва абвясьціла экстрэмальную сытуацыю і папрасіла парлямэнт дазволіць вайсковую падтрымку паліцыі і памежнікам пасьля таго, як хваля паветраных балёнаў кантрабандыстаў зь Беларусі неаднаразова парушала паветраны рух у апошнія месяцы.
«Я з нецярпеньнем чакаю пашырэньня рэжыму санкцый супраць Беларусі, калі гэтая гібрыдная дзейнасьць супраць нас будзе працягвацца», – сказаў Будрыс перад сустрэчай міністраў замежных спраў краін ЭЗ у Бруселі.
Раніцай 15 сьнежня прэзыдэнт Гітанас Наўседа Літвы ўзначаліць паседжаньне Дзяржаўнай рады па абароне праблему балёнаў зь Беларусі, які перашкаджаюць руху самалётаў у Літве.
Старшыня Камітэта па замежных справах Сейма Літвы, сацыял-дэмакрат Рэмігіюс Мотузас сказаў, што намер ЗША зьняць санкцыі з экспарту беларускіх калійных угнаеньняў, верагодна, зьвязаны з вызваленьнем палітычных зьняволеных у суботу.
Ён таксама адзначыў, што, магчыма, ЗША будуць спрабаваць аказаць ціск на ЭЗ і Літву з мэтай зьняцьця санкцый зь Беларусі, але кажа, што «гэта ня будзе хуткім працэсам». Ён выказаў сумнеў у тым, што ЭЗ пагодзіцца на зьмякчэньне санкцыяў.
«Магчыма, ёсьць некаторыя намёкі (пра ціск з боку ЗША — BNS), але мы ведаем, што Літва павінна выконваць санкцыі Эўрапейскага зьвязу і іншых краін, а таксама Арганізацыі Абʼяднаных Нацый. Але, верагодна, трэба аказаць ціск на 27 краін. Нам спатрэбіцца згода 27 краін Эўрапейскага зьвязу. І я думаю, што гэта будзе марудны працэс, рэакцыя многіх краін Эўрапейскага зьвязу будзе даволі нэгатыўнай. І Літвы таксама», — сказаў Мотузас агенцтву BNS.
«Мы ведаем, што адбываецца проста цяпер, гібрыдныя атакі ці нешта яшчэ. І Беларусь сапраўды паводзіць сябе ў адносінах да нас непрыстойна. Мы праінфармавалі аб гэтым і нашых партнэраў», — дадаў ён.
ЗША здымаюць санкцыі з экспарту беларускіх калійных угнаеньняў, аб чым у суботу паведаміла беларускае дзяржаўнае інфармацыйнае агенцтва БелТА са спасылкай на спэцыяльнага пасланьніка ЗША Джона Коўла.
Гэтае рашэньне можа мець значэньне для Літвы, паколькі Літва прыпыніла транзыт беларускіх калійных угнаеньняў з 1 лютага 2022 года пасьля таго, як ЗША ўвялі санкцыі супраць найбуйнейшага беларускага вытворцы калійных угнаеньняў «Беларуськалій».
Форум