У праекце Каардынацыйнага штабу Ўкраіны па абыходжаньні з палоннымі «Хачу жыць» паведамілі аб завяршэньні перадачы ўладамі Беларусі грамадзян Украіны, асуджаных на беларускай тэрыторыі паводле палітычных матываў.
Як адзначаецца ў паведамленьні, украінцаў сустракаў кіраўнік вайсковай выведкі Ўкраіны Кірыла Буданаў.
Сярод 104 грамадзян Беларусі Ўкраіне перадалі Марыю Калесьнікаву, Віктара Бабарыку, Максіма Знака, Паўла Севярынца, Марыю Золатаву і Аляксандра Фядуту.
ГЛЯДЗІЦЕ ТАКСАМА: Улады Беларусі перададуць Украіне яшчэ пяць украінцаў. Іх вызвалілі разам з беларускімі палітвязьняміПазьней вайсковая выведка Ўкраіны ўдакладніла, што агулам Беларусь перадала Ўкраіне 114 грамадзян.
Як паведаміў Telegram-канал «Пул первого», Аляксандар Лукашэнка памілаваў 123 грамадзян розных краін, асуджаных у Беларусі «за злачынствы рознай накіраванасьці — шпіёнскую, тэрарыстычную і экстрэмісцкую дзейнасьць».
Сярод іх — грамадзяне Вялікай Брытаніі, ЗША, Літвы, Украіны, Латвіі, Аўстраліі, Японіі.
ГЛЯДЗІЦЕ ТАКСАМА: Пасьля сустрэчы Лукашэнкі з прадстаўнікамі ЗША ў Беларусі вызвалілі 123 палітычных зьняволеных. Сьпіс з прозьвішчамі 121 вызваленага