Горадзенскі абласны выканкам дазволіў паляваньне на дзіка ў Бераставіцкім, Ваўкавыскім, Дзятлаўскім, Іўеўскім і Лідзкім раёне. Раней у паляўнічых гаспадарках гэтых раёнаў такое паляваньне было забаронена.
Як вынікае з апублікаванага на Нацыянальным праўным інтэрнэт-партале Беларусі рашэньня ўладаў ад 4 сьнежня, цяпер паляваньне на дзіка дазволена ў 13 раёнах вобласьці.
Раней паляваць на дзікоў маглі толькі ў шасьці раёнах — Горадзенскім, Мастоўскім, Наваградзкім, Астравецкім, Слонімскім і Шчучынскім, а таксама на тэрыторыі заказьніка «Налібоцкі».
ГЛЯДЗІЦЕ ТАКСАМА: Улады Менскай вобласьці скарацілі сьпіс арганізацыяў, якім дазволена адстрэльваць дзікоўДзікоў у Беларусі прыкметна паменела пасьля 2013 году праз адстрэл пры барацьбе з афрыканскай чумой сьвіней. У 2019 годзе папуляцыя складала 1,5–2 тысячы асобін, а да пачатку 2025 году дасягнула прыблізна 8 тысяч.
У 2013 годзе папуляцыя дзікоў налічвала амаль 83 тысячы асобін.
ГЛЯДЗІЦЕ ТАКСАМА: Цяпер можна назіраць онлайн, як падкормліваюць дзікіх жывёл у Белавескай пушчы